Popularity: 2% [?]

Kabhi fursat mein aao to meri ek nazm se milna
Magar iss nazm ka dhaaga
Tumhaari yaad ka lehja badalte hi na jaane kyun ulajh kar TooT jata hai
Tabhi to iss ki satrain ja ba ja bikhri huwi hain
Koi takye ki shiknon me buhat TooTi huwi
Neendon ki ankhon main pari hai
Koi dehleez par ahaT ki baali kaan me daalay khari hai
Koi rukhsaar pay aansoo ki soorat jum gayi hai
Koi dil se labon tak aate aate tham gayi hai
Koi bookshelf me bechain haatho se uTha kar
Bin parhay rakhi kitabon me pari hai
Koi ehsaas ki ankhon me kankar ki tarah atki hui hai
Koi uss udh jaley cigarette me lipti reh gayi hai
Jisse jaane ki jaldi me piye bin ashtray me tum ne chota tha
Ziyan ki dhool ban kar paon se lipti hain kuch satrein
Kahin ek satr ke andar shikasta maan se bheegi huwi palkein pari hain
Kahin ek satr me wo chaand atka hai
Meray kamre ki khiRki se jisse tum dekh kar
Sheeshe se uljha choR aaye thay
Koi ek satr uss chaaye ki pyaali me pari ho gi
Piye jaane ke khaahish me jo table par hi rakhi reh gayi thi
Kahin ek satr me khaabon ka wo rasta bhi rakha hai
Main jiss par apni aankhein bhool aayi hoon
Kahin ek satr ke andar meri wo saans rakhi hai
Tumhaari be nishan masroofiyat ke bojh se
Jiss ko main ab tak ji nahi paayi
Koi ek satr shayed Daakiye ki cycle ki chain me uljhi huwi hai
Tumhaara khat liye bin iss saRak par kyun wo aata hai ???
Zara sa ghor se sunna
Receiver me tumhaare phone ke shayed meri awaz rakhi ho
Issay ab parcel kar do to main iss se bhi kuch
Bheegi huwi satrain bana loon gi
Abhi dil ki hathaili par bhi kuch satrein pari hain
Buhat nazuk hain , lafzon se chhuwa to TooT jaein gi
Koi in muntazir ankhon me rakhi hai
Jinhe tum apna keh kar bhool jaatay ho
Yahin ek satr ki ankhon me mera khaab rakha tha
Tumhaari berukhi ke paon se kuchla para hai
Mere iss khaab ka tawan kya do gay??
Suno!
Iss nazm ko unwaan kya do gay??

Popularity: 2% [?]

Barishon k mosam mein

Barishen kab ruktee hain….

Popularity: 2% [?]

ab sunega kon tere gham ki baat

kon dekhe ga tera qalb e figaar

har kisi ko ranj o gham hain be shumaar

ab to har dil main basi hay kaainaat

roz o shab rehte hain sab hi mehv e zaat

chhaa gaya har aankh par aisa ghubaar

be rukhi ka dekh sakti hi nahin

tere rukhsaaron k peelay peelay paat

band karlay apne kamray k kiwaarr

or jalaa palkon pe shama e ashk e khoon

apne saaye ko dikha zakhm e daroon

apne saaye ko dikha daagh e jigar

hijer ki deewaar furqat k pahaarr

apne saaye se hi har ik baat kar

Popularity: 2% [?]

Hamesha dair kar deta hoon main

har kaam karnay may
Zaroori baat kehne ho
koi wada nibhana ho
Usay aawaz deni ho
usay wapis bulana ho
Hamesha dair kar deta hoon main
Madad karni ho us kee
yaar ke dhaarus bundhana ho
Bohat dayreena rustoo par
kisee se milne jaanaa ho
Hamesha dair kar deta hoon main
Budaltay mausmo ke sair may
dil ko lagana ho
Kisee ko yaad rakhna ho
kisee ko bhool jana ho
Hamesha dair kar deta hoon main
Kisee ko maut se pehlay
kisee ghum se buchana ho
Haqeeqat aur thi kuch us ko
jaa kay yah batana ho
Hamesha dair kar deta hoon main

Popularity: 2% [?]

Aye Mere Khalik
Aye mere Maalik

Tere baas main kia nahi
Agar tu na mujhe zindagi di ha
Tu es zindagi ki zindagi bhi da da

Aye Maalik
Ussa har cheez wo da da
jis ki kohaish us k dil main ho
Har khushi
Har Naimat
Har cheez
Baas Moula
Mujhe wo de da

Aye Maalik
Khushi da usa aur us ko mujhe

Agar tu na
Zindagi di humko
Mohabat hum ko bhi di ha
To mila da hum ko phir se
Aur hamesha k liya usa
Mere nasib main likh da
Aur us k nasib main sari khusian likh da

Popularity: 2% [?]

Popularity: 2% [?]

wo baatein teri wo fasaane tere

wo baatein teri wo fasaane tere
shagufta shagufta bahaane tere

bas ek zakhm nazzaaraa hissaa mera
bahaarein teri aashiyaane tere

bas ek daag-e-sajda meri qaayenaat
jabeenein teri aastaane tere

zameer-e-sadaf mein kiran ka muqaam
anokhe anokhe Thikaane tere

faqeeron ka jamaghaT ghari do ghari
sharaabein teri baadaaKhaane tere

bahaar-o-Khizaan kam nigaahon ke vaham
bure ya bhale sab zamaane tere

"Adam" bhi hai tera hikaayat_kadaah
kahaan tak gaye hain fasaane tere

Popularity: 2% [?]

DEKHOO TO ZARA
INSAAN KO

ISS DUNIYA KI
JHOOTI MOHABBAT MEIN
BHULLA DIA REHMAAN KO

YEH DUNIYA HAI FAQT
IK KHAIL TAMASHA

KON JANAY GA ISS
RAAZ-E-PINHAAN KO,

MERA ISHQ, MERA JUNOON
FAQT US KE LIYE HAI

JISS NE PAYDA KIYA INSAAN KO

Popularity: 2% [?]

Tum To Chere Parhne K Mahir Ho
Ankh K Dareeche Se
Rooh Main Jhankte Ho
Mudhur Lehje k Tilsm Main Jakar Kar
Muddaton Se Band Darwaze Kholte Ho
Zang Alood Qafl Tourte Ho
Yeh Hunar Tumhara Khuda Ki Ata Hai
Magar Aay Dost Mere,Is Baar Kyun
Apna Hunar Khud Hi Miti Main Rolte Ho
Sapaat Deewar Main Dareecha Tatolte Ho
Ek Aise Shakhs Ko Kholte Ho
Jo Aaj Tak Kabhi
Khud Apne Aap Par Bhi Khula Nahe
Tum To Chehre Parhne K Mahir Ho

Popularity: 2% [?]