Meri jaa.n sochti hon main
Agar tum mil na paay tu
Tumhaari yaad ko dill sey
Bhala kaise bhulaao.n gi!
Jo mousam sang terey beetey
unhain kaise bhulaao.n gi!!
Andheri raat main jugnu
bhala kaise jalaoo.n gi!!!

meri jaa.n sochti hon main
Tumhain kaise bhulaao.n gi!
Likha jo naam hay dill per
Usey kaise mitaaoo.n gi!
Jo aadhi um’r jeeni hay
Wo main kaise bitaao.n gi!!

Meri jaa.n sochti hoon main
Tumhain kaise bhulaaoo.n gi!
Teri yaadai.n jo aae.n gi
Mujhe pal pal rulai.n gi
Merey Anchal ko kainchai.n gi
Mujhe kutch gud-gudai.n gi

Meri jaa.n sochti hoon main
Tumhain kaise bhulaao.n gi!!
Jo baatai.n tum sey karti hon
bhala kis ko bataao.n gi!
Naya jab sher likhoo.n gi
Tu main kis ko sunaao.n gi!!

meri jaa.n sochti hoon main
Tumhain kaise bhulaaoo.n gi!
Meri jaa.n Jaan lo tum bhi
Tumhain na bhool paoo.n gi

Popularity: unranked [?]

:::::(A Lover after his Death):::::

Qaza Ho Gaya Hoon Qaza Kerety Kertey
Faqat Be Wafa Se Wafa Kertey Kertey

Tha Duniya Ke Sare Faraiz Ko Bhoola
Mohabbat Ka Haq Main Ada Kertey Kertey

Muqadder Mera Ab Hai Do Gazz Ka Tukda
Faqat Dil Main Uske Jagah Kertey Kertey

Jise Zindagi Bhar Duaoon Main Maanga
Woh Ghar Chal Pada Hai Dua Kertey Kertey

Farishtey Bhi Na Khush They Mayyat Pe Meri
Janaza Utha Jab Khuda Kertey Kertey

Mere Mout Se Tum Sabaq Kuch To Seekho
Waqt Kut Na Jaye Dawa Kertey Kertey

Wahi Zindagi Hai Wahi Bandagi Hai
Katey Jo "ALLAH" Ki Raza Kertey Kertey

Popularity: 9% [?]

Aao udas raton me,
Dil ki basti me aa k dekho,
Har ek rasta,
Har ek daricha,
Tumhari chaht ka muntazir hai,
Falak se takta hai chand tum ko,
Sitare tum ko bula rahe hain,
Tumhari aamad k muntazir hain,
Mujhe yaqin hai Tumhare dil me,
Gaye dino k khayal hain kuch,
Naye safar k malal hain kuch,
Nai ruton k sawal hain kuch,
AGAR Ye sach hai to meri mano,
Puranay raston pe loat aao,
Purani basti me koi ab tak,
Tumhari aamad ka muntazir ha……..

Popularity: 43% [?]

Dil udhaas hai bahut koyi paigaam hi likh do
Tum apna naam na likho, gum-naam hi likh do

Meri qismat mein gham-e-tanhayi hai lekin
Tamaam umr na likho magar ek shaam hi likh do

Zuroori nahi ki mil jaaye sukoon har kisi ko
Sare-e-bazm na aao magar benaam hi likh do

Ye jaanta hoon ki umr bhar tanha mujhko rehna hai
Magar pal do pal, ghadi do ghadi, mere naam hi likh do

Chalo hum maan lete hai ke sazaa ke mustahiq thahre hum
Koyi enaam na likho koyi ilzaam hi likh do

Popularity: 60% [?]

Jub Tumhein Yaad Karta Hoon To

Aankh Bheeg Si Jaati Hai

Dil Dharakna Bhool Jaata Hai

Saansein Rukne Lagti Hain

Zindagi Apni Khatam Si Lagti Hai

Dunya Berang Lagne Lagti Hai

Dil Aawara Sa Ho Jaata Hai

Sochta Hoon Jo Mere Saath Huya

Kisi Ke Saath Na Ho

Us Waqt Ek Hi Dua Karta Hoon

Apne KHUDA Se Tumhare Liye

Tum Jahan Bhi Raho Khush Raho

Tumhare Dil Ka Mausam Aabad Rahe

Tumhein Itni Khushiyaan Milein

Jo Aaj Tak Kisi Ko Na Milli Haun

Tum Se Milay Mujhe Gham

Wo Main Sambhal Ke Rakhoon Ga Apne Paas

Tumhare Gham Ko Banaaoun Main Apni Khushi

Rahoon Ga Tumhare Gham Ke Saath Khushi Khushi

Popularity: 78% [?]

Gham-e-heyat ka jhagra meta raha hai koi,

Chaley ayo ke duniya se ja raha hai koi,

Azal se keh do ke ruk jaye do ghari,

sunna hai aane ka wada nebha raha hai koi,

woh is naaz ke sath bethey hain laash ke pass,

jesay roothe howe ko mana raha hai koi,

palat ker na aa jaye phir saans nabzon main,

itne haseen haton se mayyat saja raha hai koi,

Popularity: 86% [?]

aa.Nsuuo.n kii jahaa.N paayamaalii rahii
aisii bastii charaaGo.n se Khaalii rahii

dushmano.n kii tarah us se la.Date rahe
apanii chaahat bhii kitanii niraalii rahii

jab kabhii bhii tumhaaraa Khayaal aa gayaa
phir kaii roz tak beKhayaalii rahii

lab tarasate rahe ik ha.Nsii ke liye
merii kashtii musaafir se Khaalii rahii

chaa.Nd taare saabhii ham-safar the magar
zindagii raat thii raat kaalii rahii

mere siine pe Khushbuu ne sar rakh diyaa
merii baa.Nho.n main puulo.n kii Daalii rahii

Popularity: 35% [?]

Tum meri aankh k tevar naa bhula paaoge
ankahi baat ko samjho ge tau yaad aaunga

hum ne khushiyon ki tarha dukh bhi ikhat.te dekhe
safha_e_zeest ko palto ge tau yaa aaunga

iss judaai main tum andar se bikhar jaaoge
kisi maazoor ko deko ge tau yaad aaunga

issi andaz main hote the mukhaatib mujh se
khat kisi aur ko likho ge tau yaad aaunga

meri khushboo tumhe khole gi gulaabon ki tarha
tum agar khud se naa bolo ge tau yaad aaunga

sard raaton k mehekte hue sannaton main
jab kisi phool ko chumoge tau yaad aaunga

aaj tau mehfil_e_yaaraan pe ho maghroor bohat
jab kabhi toot k bikhroge tau yaad aaunga

ab tau ye ashk main honton se chura leta hoon
haath se khud inhe poonchhoge tau yaad aunga

shawl pehnaaega ab kon december main tumhe
baarishon main kabhi bhigo ge tau yaad aunga

haadse aaenge jeevan main tau tum ho k nidhaal
kisi deevaar ko thaamoge tau yaad aunga

iss shaamil hai mere bakht ki taariki bhi
tum SIYAAH rang jo pehnoge tau yaad aunga

Popularity: 36% [?]

KABI NAZRAIN MILLANY MEIN ZAMANE BEET JATE HAIN
KABI NAZRAIN CHURRANY MEIN ZAMANE BEET JATE HAIN

KISSI NE ANKH BHE KHOLLI TO SONEY KI NAGRI MEIN
KISSI KO GHAR BANANE MEIN ZAMANE BEET JETE HAIN

KAI KALI SIAH RAATAIN HAMAIN IK PAL KI LAGTI HAIN
KABI IK PAL BITANE MEIN ZAMANE BEET JATE HAIN

KABI KHULA DARWAZA KHARRI THE SAMNE MANZIL
KABI MANZIL KO PANE MEIN ZAMANE BEET JATE HAIN

IK PAL MEIN TOOT JATE HAIN UMER BHAR K RISHTAY
WO RISHTAY JO BANANE MEIN ZAMANE BEET JATE HAIN

Popularity: 36% [?]

ab tak terey fitney hen salamat, usey kehna.
yawar! sar-e-mehshar b qayamat usey kehna.

aey hum-nafaso! mehw-e-ghum-e-jaan hen abi tak.
aen ge sar-e-koo-e-malamat usey kehna.

ik wo hi nahi tark-e-ta’alluq pe pasheman.
he ahl-e-wafa ko b nadamat usey kehna.

aey dil-zadgaan! maut he izhar-e-tamanna.
wo but ho khuda b to khuda mat usey kehna.

har-chund faraz in dino ma’atoob he phir b.
halaat ka mara he, bura bat usey kehna..

Popularity: 35% [?]