Dhoop Gharri ka daur bhi kitna acha tha. .
Wakt ka dariya pao’n k neechy behta tha. .

Meine aankhain mond’een aur dum saadh liya
Aik parinda kandhay per aa betha tha. .
Sabit hain ab tak phoolo’n k do surkh nishan
Khuwab mein kis ne mera maatha chooma tha. .

Barhti umer k sath khulay israar us kay
Kitna zaalim thaw o hijr jo pehla tha. .

Jab apny itraaf mein bheer ka shor suna
Tab mujh ko ehsaas hua mein tanha tha. .

Hijr k us lamhay per ab tak naadim hun
Tark-e-ta’alluq ki baabat jab socha tha. .

Khaak urraatey phirtey hain ab khaak nashee’n
Ik din kehkasha’n per pao’n na tikta tha. !
Zeenay pe rakh gaya koi tehni gulaab ki.
.
Aisay diya kisi ne sandesa bahaar ka. . !
Hai dil k liye mout, masheeno’n ki hakumat!

Ehsaas-e-murawwat ko kuchal daity hain aalaat!
Hamari taraf ab wo kam dekhtay hain. .

Wo nazrain nahi, jinko hum dekhtay hain. . !
Hum rooh-e-safar hain, humain naamo’n se na pehchaan

Kal aur kisi naam se aa jaingy hum log. . !
Tumhain bhi dekh k hum zindagi k sehra mein. .

Khilay huay hain kisi zakhm-e-aarzu ki tarha. . !
Wa’iz se ‘Faraz’ apni bani hai na banay gi. .

Hum aur tarha kay hain, jabnab aur tarha kay. . !
Ab k de wo dard k mein ro’un tamaam umer. .

Ab k laga wo zakhm k jeena mahaal ho. . !
Waa-e-nadani k wakt-e-marg ye saabit hua. .

Khuwab tha jo kuch dekha, jo suna afsana tha. . !
Wahan rahy tou kisi ne bhi hans k baat na ki. .

Chalay watan se tou sab yaar hath milanay lagy. . !
Wahdan bhi aaye, saleb-gar bhi, saleb per hoon

Ye sheher ik roz phir se youm-e-hisaab mangay. !
Waa-e-nakami, mata-e-karwaa’n jata raha. .

Karwaa’n k dil se ehsas-e-ziya’n jata raha. . !
Wo aaj bhi sotay mein dassney aaye ga. .

Wo janta hai k khilta hai mujh pe zeher ka rung. . !
Wo eyadat k liye aaye hain, lo aur sahi. .

Aaj hi khoobi-e-taqdeer se haal acha hai. . !
Wohi kahi’n bhi gaya, lota tou mery paas aya. .

Bus yehi baat hai achi mery harjaai ki. . !
Wo kon hain jinhai’n tauba ki mil gai fursat

Humain gunah bhi karny ko zindagi kam hai. . !
Dil hai yun muztarib makano’n mein
Machliya’n jaisy martabano’n mein
Dhoop se dhoondtay hain raah-e-faraar
Log sheeshay k saibano’n mein. .

Teri aamad pe jaisy laut aya
Wakt guzray huay zamano’n mein. .

Dil dharakta hai har sitaray ka
Aaj ki raat aasmano’n mein. .

Zang aalood ho gaye jazbay
Jam gaye harf, sard-khano’n mein. .

Reshami log dhoondtay hain hum
Sheher k aahni makano’n mein. . !
Weeran hai mae-kada, kham-o-saghir udaas hain

Tum kia gaye kay rooth gaye din bahaar kay. . !
Wohi kaarwa’n, wohi rastay, wohi zindagi, wohi marhalay

Magar apny apny maqaam per kabhi tum nahi, kabhi hum nahi. . !
Wo khaar khaar hai shaakh-e-gulaab ki manid

Mein zakhm zakhm hoon phir bhi galay lagaun usey..!
Wo dil nawaz hai lekin nazar shanaas nahi’n

Mera ilaaj mery charagar kay paas nahi’n. . !
Wo baat saray fasaanay mein jiska zikr na tha,

Wo baat un ko boht nagawaar guzri hai. . !
Wakt wo mujh per kathan guzry hain sari umer mein

Ik teray aaney se pehlay, ik teray janay k baad. . !
Nazar utha dil-e-nadaan, ye justuju kia hai?

Usi ka jalwa tu hai, aur robaroo kia hai?
Na itni taiz chalay, sir phiri hawa se kaho. .

Shajar pe aik hi patta dikhai deta hai. . !
Kisi ne dil k taaq per jala k rakh diya humain
Magar, hawa-e-hijr ne, bujha k rakh diya humain

Hazaar hum ne zabt se liya tha kaam, kia karain
Kisi k aansuo’n ne phir rula k rakh diya humain
Hamari shohratai’n kharab is tarha bhi us ne kee’n
K apny aashano’n se mila k rakh diya humain

Hum is anjuman mein jany us ne kyun bula liya
Bula liya aur ik taraf bitha k rakh diya humain
Faqat hum aik daikhny ki cheiz ban k rah gaye
Kisi ne aisa ishq mein bana k rakh diya humain

Hum ‘Aitbar’ us ki har shikast mein shareek thy
Magar bisaat se alag utha kar rakh diya humain. . !
Na raah-e-johd na’e hai na jabr-e-wakt naya. .

Tamam umer guzari hai imteha’n ki tarha. . !
Na janay kab ka pohnch bhi chuka sir-e-manzil

Wo shakhs jis ka humain intezaar raah mein hai. . !
Na junoo’n raha rukh-e-wafa, ye rasn, ye daar karo gy kia?

Jinhain jurm-e-ishq pe naaz tha, wo gunah-gaar chalay gaye. . !
Najanay dushmano’on ki konsi baat yaad aa gai. .

Labo’n tak aatay aatay bad-dua hi aur ho gai. .
Na ganwao nawik-e-neem-kash, Dil-e-reza reza ganwa diya

Jo bachay hain sung samait lo, Tan-e-dagh dagh luta diya.
Wo pehli jaisi wehshatain, wo haal hi nahi raha. .
K ab tou shoq-e-rahat-e-wisaal hi nahi raha. .

Tamam hasrat’ain, har ik sawaal dafan kar chukay. .
Hamary paas ab koi sawaal hi nahi raha. .
Talash-e-rizq mein ye sham iss tarha guzar gaee. .
Koi hai apna muntazir, Khayaal hi nahi raha. .

In aatay jaatay roz-o-shab ki gardisho’n ko dekh kar. .
Kisi kay hijr ka koi malaal hi nahi raha. .

Hamara kia banay ga kuch na kuch tou iss pe sochtay. .
Magar kabhi humain ghum-e-maal hi nahi raha. .

Tumharay khaal-o-khad pe ik kitaab likh rahy thy hum. .
Magar tumhara husn be-misaal hi nahi raha. .

Sanwaarta, Nikhaarta mein kaisay apny aap ko. .
Tumharay baad apna kuch khayaal hi nahi raha. .

Zara si baat se dilo’n mein itna farq aa gaya. .
Ta’alluqaat ka tou phir sawaal hi nahi raha. .!
Muflisi hiss-e-latafat ko mita deti hai. .

Bhook aadab k saanchay mein nahi’n dhal sakti. . !
Mein akela hi chala tha janib-e-manzil,

Log sath aaty gaye aur kaarwa’n banta gaya. . !
Mata-e-dil hi bachi thi bus ik zamanay mein

So hum usey bhi teri anjuman mein haar aaye. .
Naadim hoon mein ne koi bhi rahat na di tujhy
Tu jis ka mustahiq tha wo chahat na di tujhy

Apny hi roz-o-shab k jhamelo’n mein gum raha
Jis per tera tha haq wo rafaqat na di tujhy

Tu paas tha tou meri anaa k ghuroor ne
Pathar k aik but ki bhi wuq’at na di tujhy

Dariya tha mein khuloos ka har shakhs k liye
Per boond bhar bhi meine muhbabbat na di tujhy

Kaghaz k qamqam’on ko jalanay k shauq mein
Afsos, koi sham-e-rafaqat na di tujhy

Tu sochta tou ho ga k shayar k piyar ne
Apni kisi ghazal ki bhi surat na di tujhy

Mein kia karu’n k meray both se azaab the
Bus is liye kabhi koi zehmat na di tujhy. . !
Utri hai you’n judaiyo’n, tanhaiyo’n mein sham
Jaisy ujaar sheher ki angnaiyo’n mein sham.
.
Rangeen qamqamo’n ka sahara liye huay
Sehmi hui hai sheher ki ra’naai’on mein shaam

Kamro’n mein band, hijr k gosha nasheen tery
Kab dhoondtay hain apni pazeerai’on mein sham

Hum sokhta dilo’n ki tumhain kia khabar k hum
Kaisay guzar laity hain tanhai’on mein sham

Ae akhri kiran! Mujhy ghar tak tou chorr de
Ab dhal rahi hai doobti parchaai’on mein shaam

Na-aashna hujoom mein khoye huay they hum
Guzri hai aaj aisi shanasaai’on mein sham. . !
Is dil ne teray baad muhabbat bhi nahi’n ki
Had ye k dharakney ki jasaarat bhi nahi’n ki

Tabeer ka aizaz hua hai usey haasil
Jis ne mery khuwabo’n mein sharakat bhi nahi’n ki

Ulfat tou barri baat hai hum se to sir-e-sheher
Logo’n ne kabhi dhang se nafrat bhi nahi’n ki

Aadab-e-safar ab wo sikhatay hain jinho’n ne
Do chaar qadam tay ye musaafat bhi nahi’n ki

Kia apni safai mein bayaa’n daity k hum ne
Nakarda gunaho’n ki wazahat bhi nahi’n ki

Khamosh tamashaai k manind sir-e-bazm
So zakhm sahay dil pe, shikayat bhi nahi’n ki

Us ghar k sabhi log mujhy chorrney aaye
Dehleez talak us ne ye zehmat bhi nahi’n ki

Us ne bhi ghulam’on ki safo’n mein humain rakha
Is dil pe kabhi jis ne hakoomat bhi nahi’n ki. . !
Liye phira jo mujhy darbadar zamanay mein. .

Khayal tujh ko dil-e-beqaraar! Kis ka hai?
Laghzish zara si aur saza sari umer ki. .

‘Shehzad’ dosti na hui khoon baha hua. . !
Liye phira jo mujhy darbadar zamanay mein. .

Khayal tujh ko dil-e-beqaraar! Kis ka hai?
Lamha-e-rukhsat k goongay sannatay ki . .

Aik gawah tou is ki chashm-e-tar bhi hai. .
Lo wo bhi kah rahy hain ye be nang-o-naam hai

Ye janta agar to lutata na ghar ko mein. . !
Muhabbat mein muhaabbat ki safai de rahy hain hum
Ajab aashiq hain, azar aashnai de rahy hain hum

Hamary haal per jana’n boht khush fehm mat hona
Dikhanay k liye aisay dikhai de rahay hain hum

Koi tohfa tumhein dena to tha apni muhabbat ka
Tumhain lo, aaj zakhm-e-aashnai de rahy hain hum

Hamary rat-jago’n ka tum ko kuch ehsas to ho ga
Dam-e-rukhsat, tumhein sham-e-judai de rahy hain hum

Jinhain khoon-e-jigr se paish ro tehreer karty thy
Ab in lafzo’n ko dil ki roshnai de rahy hain hum

Hum itny shor mein sab se mukhatib bhi nahi ‘Sajid’
Jo sun sakty hain bus unko sunai de rahy hain hum. . !
Go qatray mein dariya’on ka toofan samaye

Per shauq ki rudaad kab alfaz pe aaye. . !
Ghar mein tha kia? k tera ghum usey ghaarat karta

Wo jo hum rakhtey they ik hasrat-e-tameer, so hai. . !
Giray shabnam k qatray aur bharhi phool’on ki rangeeni

Jahan mein raae’gaan koi bhi qurbani nahi jati. . !
Gar zindagi mein mil gaye tum ittefaq se

Poochaingy apna haal teri be-basi se hum. . !
Gae ruto’n k nishaan, kuch kahayal hain kuch khuwab

So ye nishan bhi thehernay k ab nazar mein kahan?
Gulshan ko aag lag rahi thi rang-e-gul se ‘Meer’

Bulbul pukari, dekh k sahab paray paray. . !

facebook