Wehshatain kuch is tarah apna muqadar ho gaen,

Hum jahan pohnche hamare sath werane gae.
Waasal e yaar ki khawaish me aksar,

Charagh e sham se pehle jala hon.
Weran hai mekada khom o sakhar udas hain,

Tum kia gae k roth gae din bahar k.
Wohi hai bhok ehal e zar ki lakin log kehte hain,

Bhara ho peet to koi ghaza achi nahin lagati.
Na koi peer na saea na ahtoon ka gaman,

Ye justajo ka safar bhi azab jaisa hai.
Najane rut ka tasraf tha ya nazar ka fareeb,

Kali wohi thi magar rang jhamlae bahot.
Me mosam e khazan se talab kar raha hon rang,

Shaid tarap k jaag uthe raat bahar ki.
Me apne app me chopke se loot ata hon,

Kisi bhi simat se jab hosala nahin milta.
Me shab o roz ka hasil use lota don ga,

Waqt agar mere khalone muje wapis kar de.
Laon kahan se dhond k me apna humnawa,

Khod apne har kheal se takra choka hon me.
Le gaen jane kahan garam hawaen un ko,

Phol se log jo daman me saba rakhate hain.
Labon pe jaan ho to ehsas e talakh o sheren kia,

Kahen se zeher hi lao k tashnagi hai bahot.
Lo ajj hum ne toor dia rishta e umeed,

Lo abb kabhi gila na karain ge kisi se hum.
Guzra na tere bad koi kocha dil se,

Ye raste ik naqsh e kaif e pa k lie tha.
Gum sum hoa awaz ka darya tha jo ik shakhs,

Pathar bhi nahin abb wo satara tha jo ik shakhs.
Guzar na sake kabhi tere hijar k shab o rooz,

Na din dhala na kabhi raat ko zawaal aea.
Guzaarte waqt ki har chap se me darta hon,

Na jane kon sa lamha udas kar jae.
Kai ajnabi teri raah me mere pass se yoon guzar gae,

Jinhain daikh kar ye tarap hoi tera naam le k pukar lon.
Kitne chehron pe rahe aqas meri harat k,

Mehrban muj pe hoe aina pekar kia kia.
Kia ye sach hai k khazan me bhi chaman khilte hain,

Mere daman me laho hai to mehkata kia hai.

facebook