Hum ehl-e-qafas tanha bhi nahi, har roz naseem-e-subha-e-watan

Yaado’n se mo’atar aati hai, ashko’n se munawwar jaati hai. . !
Hum ne khud se bhi chupaya aur saray sheher ko. .

Teray janay ki khabar deewar-o-dar karty rahy. . !
Hum tou samjhy thy k ik zakhm hai bhar jaye ga

Kia khabar thi k rag-e-jaa’n mein uter jaye ga. . !
Hum se pehly bhi ye martaba-e-daar na tha

Ishq ruswa tha magr yun sar-e-bazaar na tha!
Hamary paao’n mein tum ne zanjeer-e-wafa daali, ,

Tumhary haath se kyun rishta-e-mehr-o-karam choota. . !
Mohtaaj humsafar ki, musafat na thi meri
Sab sath thy magar, kisi se rafaqat na thi meri

Haq kis se maaangta k makeeno’n k sath sath
Deewar-o-baam-o-dar ko zarurat na thi meri

Such bol k bhi dekh liya un k saamney
Lekin unhein pasand sadaqat na thi meri

Mein jin pe marr mita tha wo kaghaz k phool thy
Rasmi mukaalmay thy, muhabbat na thi meri

Jo dusro’n k dukh thy wohi mery dukh bhi thy
Kuch aisay mukhtalif bhi hikayat na thi meri

Bus kuch asool thy jo bahar-haal they aziz
Janam! Kisi se warna adawat na thi meri. . !
Hum cheen laingy tum se ye shaan-e-be-niazi, ,

Tum maangty phiro gay, apna ghuroor hum se. . !
Hum ‘Sana’ manzilain paa hi laity agar

Humsafar raah-guzar se jo darta nahi. . !
Tujhay mein bhool tou jaata. .
Magar teray ta’aluq se. .

Jo chehray saamney aaye. .
Jo rastay saamney aaye. .

Jo lamhey saamne aaye. .
Jo rishtey saamney aaye. .

Unhein kaisay bhulata mein. .
Tujhy kaisy bhulata mein. .?

Ham kaj-adaa charagh. . k jab bhi hawa chali

Taaqo’n ko chorr kar sar-e-deewar aa gaye. . !
Haaye! ab bhool gaya rang-e-hina bhi tera. .

Khat bhi kabhi khoon se tehreer hua karty thy. . !
Wabasta meri yaad se kuch talkhi’an bhi thee’n

Acha kiya jo mujh ko faramosh kar diya. . !
Hai inteha-e-yaas bhi ik ibtada-e-shauq. .

Phir aa gaye wahin pe, chalay thy jahan se hum. . !
Har daaman-e-wafa se lipat’ta mein kis liye?

Aisa tou be-anaa mera dewana-pan na tha. . !
Dil hatheli per liye sab ne qataar’ain baandh lee’n
Sab ne aankho’n ki sajai kehkasha’n tere liye

Apni umeedo’n k taaray tery aagay rakh diye
Kar diya sab ne zameen ko aasman tery liye

Cactus jaisay hain ye mery dar-o-deewar bhi
Mera kamra hai dasht-e-be-ama’n mery liye

Mein to sardi’on ki thitharti raat ka mehtaab hun
Kon kholta hai ghar ki khirki’an mery liye?
Hum khud taraash’tay hain manazil k sang-e-raah

Hum wo nahi hain jin ko zamana bana gya. . !
Hum hain wo barg-e-khizaa’n-deeda jinhain ‘Nasir’

Chaman mein dhoondti phirti hai barg-e-awara. . !
Hoti nahi qubool dua tark-e-ishq ki

Dil chahta na ho tou zuba’n mein asar kahan?
Hum tou mukhlis hain aur be-gharz hain aisay ‘Sana’

Kay chott khaingy tujh se, tujhy dua deingy. . !
Teri paayal tery khuwabo’n ki sadaa. .
Jaisy sehra mein saraabo’n ki sadaa. .

Itna hasaas hun, sun leta hun. .
Shaam k zard gulabo’n ki sadaa. .

Jism sunta hai sakoot-e-shab mein. .
Dil k pur-shor azabo’n ki sadaa. .

Ghaur se sun kisi almari mein. .
Gard aaloodkitabo’n ki sadaa. .

Raat aya tha chambeli ka paighaam. .
Jaisay khoye huay khuwabo’n ki sadaa. !

facebook