Kese ajeeb daur main jeena parra mujhe,

Sheeshey ke hain insaan to pathar ka aadmi..
Woh din kahan ke thi mujhe jeeney ki aarzoo,

Phirtaa hoon ab to dil ka janaaza liye huye..
Ghar ke saarey phool hungaamon ki ronaq ho gaye,

Khaali guldaanon se batain karke so jayen ge hum..
Log dete rahe kya kya na dilaasey mujh ko,

Zakham gehra hi sahi, zakhm hai bhar jaye ga..
Humain khud apne hi yaaron ne kar diya ruswaa,

Ke baat kuch bhi na thi aur wazaahtain thi bohat..
Aa bhi jao ke aata hai wafaa par ilzaam,

Chaandni raat ki ddasti huyi tanhai hai..
Koi deewana kehta tha bahaar aayi to kya ho ga ,

Khuda jaane bahaar aayi to deewane pe kya guzri..
Mamool ban chuka hai mera raato’n ko jaagna,

Neendein mere wajood ki ik shakhs le geyaa..
Teri duniya ka yeh dastoor bhi ajeeb hai Khudaya,

Muhabbat un ko milti hai jinhen karni nahi aati..
Shikaayet to nahin hai lekin itna poochta hoon main,

Woh aakhir kya kare jo har tarah majboor ho jaye ??
Karley sitam chahey jitne zamaana, sehna hai,

Hum ne har haal mein jeeney ki kasam khayi hai..
Mitt chaley meri umeedon ki tarah harf magar,

Aaj tak tere khato’n se teri khushbuu na gayi..
Hawaa se lipti hui siskiyon se lagta hai,

Meri kahani kissi aur ne bhi dohraayi..
Woh aik akss ke pal bhar nazar main thehra tha,

Tamaam umar ka silsilaa hai ab mere liye..
Nahin mere liye kya aur koi,

Usi ka rasta kyon dekhta hoon..
Mujhe yaqeen hai mohabbat issi ko kehte hain,

Ke zakham taaza rahe aur nishaan chala jaye..
Tumhain mein apni misaal deta hoon,

Dekho ishq zindah bhi chor deta hai ..
Cheena hai zamaney ne mera zeyada bhi, kam bhi,

Cheena tha tujhe, cheen liya hai tera gham bhi..
Bohat khoob zimedaariyan* hain mujh per warna,

Mujhe khayal jahan ka hai, na khof ruswayi ka..
Kisi shakhss ka dil mene dukhaya tha ke ab tak,

Woh meri duyaaon ka assar kaat raha hai..

facebook