Mein akela hi chala tha janib-e-manzil,

Log sath aaty gaye aur kaarwa’n banta gaya. . !
Muflisi hiss-e-latafat ko mita deti hai. .

Bhook aadab k saanchay mein nahi’n dhal sakti. . !
Wo pehli jaisi wehshatain, wo haal hi nahi raha. .
K ab tou shoq-e-rahat-e-wisaal hi nahi raha. .

Tamam hasrat’ain, har ik sawaal dafan kar chukay. .
Hamary paas ab koi sawaal hi nahi raha. .
Talash-e-rizq mein ye sham iss tarha guzar gaee. .
Koi hai apna muntazir, Khayaal hi nahi raha. .

In aatay jaatay roz-o-shab ki gardisho’n ko dekh kar. .
Kisi kay hijr ka koi malaal hi nahi raha. .

Hamara kia banay ga kuch na kuch tou iss pe sochtay. .
Magar kabhi humain ghum-e-maal hi nahi raha. .

Tumharay khaal-o-khad pe ik kitaab likh rahy thy hum. .
Magar tumhara husn be-misaal hi nahi raha. .

Sanwaarta, Nikhaarta mein kaisay apny aap ko. .
Tumharay baad apna kuch khayaal hi nahi raha. .

Zara si baat se dilo’n mein itna farq aa gaya. .
Ta’alluqaat ka tou phir sawaal hi nahi raha. .!
Na ganwao nawik-e-neem-kash, Dil-e-reza reza ganwa diya

Jo bachay hain sung samait lo, Tan-e-dagh dagh luta diya.
Najanay dushmano’on ki konsi baat yaad aa gai. .

Labo’n tak aatay aatay bad-dua hi aur ho gai. .
Na junoo’n raha rukh-e-wafa, ye rasn, ye daar karo gy kia?

Jinhain jurm-e-ishq pe naaz tha, wo gunah-gaar chalay gaye. . !
Na janay kab ka pohnch bhi chuka sir-e-manzil

Wo shakhs jis ka humain intezaar raah mein hai. . !
Na raah-e-johd na’e hai na jabr-e-wakt naya. .

Tamam umer guzari hai imteha’n ki tarha. . !
Kisi ne dil k taaq per jala k rakh diya humain
Magar, hawa-e-hijr ne, bujha k rakh diya humain

Hazaar hum ne zabt se liya tha kaam, kia karain
Kisi k aansuo’n ne phir rula k rakh diya humain
Hamari shohratai’n kharab is tarha bhi us ne kee’n
K apny aashano’n se mila k rakh diya humain

Hum is anjuman mein jany us ne kyun bula liya
Bula liya aur ik taraf bitha k rakh diya humain
Faqat hum aik daikhny ki cheiz ban k rah gaye
Kisi ne aisa ishq mein bana k rakh diya humain

Hum ‘Aitbar’ us ki har shikast mein shareek thy
Magar bisaat se alag utha kar rakh diya humain. . !
Na itni taiz chalay, sir phiri hawa se kaho. .

Shajar pe aik hi patta dikhai deta hai. . !
Nazar utha dil-e-nadaan, ye justuju kia hai?

Usi ka jalwa tu hai, aur robaroo kia hai?
Wakt wo mujh per kathan guzry hain sari umer mein

Ik teray aaney se pehlay, ik teray janay k baad. . !
Wo baat saray fasaanay mein jiska zikr na tha,

Wo baat un ko boht nagawaar guzri hai. . !
Wo dil nawaz hai lekin nazar shanaas nahi’n

Mera ilaaj mery charagar kay paas nahi’n. . !
Wo khaar khaar hai shaakh-e-gulaab ki manid

Mein zakhm zakhm hoon phir bhi galay lagaun usey..!
Wohi kaarwa’n, wohi rastay, wohi zindagi, wohi marhalay

Magar apny apny maqaam per kabhi tum nahi, kabhi hum nahi. . !
Weeran hai mae-kada, kham-o-saghir udaas hain

Tum kia gaye kay rooth gaye din bahaar kay. . !
Dil hai yun muztarib makano’n mein
Machliya’n jaisy martabano’n mein
Dhoop se dhoondtay hain raah-e-faraar
Log sheeshay k saibano’n mein. .

Teri aamad pe jaisy laut aya
Wakt guzray huay zamano’n mein. .

Dil dharakta hai har sitaray ka
Aaj ki raat aasmano’n mein. .

Zang aalood ho gaye jazbay
Jam gaye harf, sard-khano’n mein. .

Reshami log dhoondtay hain hum
Sheher k aahni makano’n mein. . !
Wo kon hain jinhai’n tauba ki mil gai fursat

Humain gunah bhi karny ko zindagi kam hai. . !
Wohi kahi’n bhi gaya, lota tou mery paas aya. .

Bus yehi baat hai achi mery harjaai ki. . !

facebook