Wo eyadat k liye aaye hain, lo aur sahi. .

Aaj hi khoobi-e-taqdeer se haal acha hai. . !
Wo aaj bhi sotay mein dassney aaye ga. .

Wo janta hai k khilta hai mujh pe zeher ka rung. . !
Waa-e-nakami, mata-e-karwaa’n jata raha. .

Karwaa’n k dil se ehsas-e-ziya’n jata raha. . !
Wahdan bhi aaye, saleb-gar bhi, saleb per hoon

Ye sheher ik roz phir se youm-e-hisaab mangay. !
Wahan rahy tou kisi ne bhi hans k baat na ki. .

Chalay watan se tou sab yaar hath milanay lagy. . !
Waa-e-nadani k wakt-e-marg ye saabit hua. .

Khuwab tha jo kuch dekha, jo suna afsana tha. . !
Ab k de wo dard k mein ro’un tamaam umer. .

Ab k laga wo zakhm k jeena mahaal ho. . !
Wa’iz se ‘Faraz’ apni bani hai na banay gi. .

Hum aur tarha kay hain, jabnab aur tarha kay. . !
Tumhain bhi dekh k hum zindagi k sehra mein. .

Khilay huay hain kisi zakhm-e-aarzu ki tarha. . !
Hum rooh-e-safar hain, humain naamo’n se na pehchaan

Kal aur kisi naam se aa jaingy hum log. . !
Hamari taraf ab wo kam dekhtay hain. .

Wo nazrain nahi, jinko hum dekhtay hain. . !
Hai dil k liye mout, masheeno’n ki hakumat!

Ehsaas-e-murawwat ko kuchal daity hain aalaat!
Zeenay pe rakh gaya koi tehni gulaab ki.
.
Aisay diya kisi ne sandesa bahaar ka. . !
Dhoop Gharri ka daur bhi kitna acha tha. .
Wakt ka dariya pao’n k neechy behta tha. .

Meine aankhain mond’een aur dum saadh liya
Aik parinda kandhay per aa betha tha. .
Sabit hain ab tak phoolo’n k do surkh nishan
Khuwab mein kis ne mera maatha chooma tha. .

Barhti umer k sath khulay israar us kay
Kitna zaalim thaw o hijr jo pehla tha. .

Jab apny itraaf mein bheer ka shor suna
Tab mujh ko ehsaas hua mein tanha tha. .

Hijr k us lamhay per ab tak naadim hun
Tark-e-ta’alluq ki baabat jab socha tha. .

Khaak urraatey phirtey hain ab khaak nashee’n
Ik din kehkasha’n per pao’n na tikta tha. !
Hum ehl-e-qafas tanha bhi nahi, har roz naseem-e-subha-e-watan

Yaado’n se mo’atar aati hai, ashko’n se munawwar jaati hai. . !
Hum ne khud se bhi chupaya aur saray sheher ko.

Teray janay ki khabar deewar-o-dar karty rahy. . !
Hum tou samjhy thy k ik zakhm hai bhar jaye ga

Kia khabar thi k rag-e-jaa’n mein uter jaye ga. . !
Saray parind so gaye, khuwab nagar mein kho gaye, ,

Ows mein bheegta raha, raat ko baagh mein koi. . !
Hum se pehly bhi ye martaba-e-daar na tha

Ishq ruswa tha magr yun sar-e-bazaar na tha!
Hamary paao’n mein tum ne zanjeer-e-wafa daali, ,

Tumhary haath se kyun rishta-e-mehr-o-karam choota. . !

facebook