Hum cheen laingy tum se ye shaan-e-be-niazi, ,

Tum maangty phiro gay, apna ghuroor hum se. . !
Mohtaaj humsafar ki, musafat na thi meri
Sab sath thy magar, kisi se rafaqat na thi meri

Haq kis se maaangta k makeeno’n k sath sath
Deewar-o-baam-o-dar ko zarurat na thi meri

Such bol k bhi dekh liya un k saamney
Lekin unhein pasand sadaqat na thi meri

Mein jin pe marr mita tha wo kaghaz k phool thy
Rasmi mukaalmay thy, muhabbat na thi meri

Jo dusro’n k dukh thy wohi mery dukh bhi thy
Kuch aisay mukhtalif bhi hikayat na thi meri

Bus kuch asool thy jo bahar-haal they aziz
Janam! Kisi se warna adawat na thi meri. . !
Hum ‘Sana’ manzilain paa hi laity agar

Humsafar raah-guzar se jo darta nahi. . !
Hum cheen laingy tum se ye shaan-e-be-niazi, ,

Tum maangty phiro gay, apna ghuroor hum se. . !
Ham kaj-adaa charagh. . k jab bhi hawa chali

Taaqo’n ko chorr kar sar-e-deewar aa gaye. . !
Haaye! ab bhool gaya rang-e-hina bhi tera. .

Khat bhi kabhi khoon se tehreer hua karty thy. . !
Wabasta meri yaad se kuch talkhi’an bhi thee’n

Acha kiya jo mujh ko faramosh kar diya. . !
Tujhay mein bhool tou jaata. .

Magar teray ta’aluq se. .

Jo chehray saamney aaye. .

Jo rastay saamney aaye. .


Jo lamhey saamne aaye. .

Jo rishtey saamney aaye. .

Unhein kaisay bhulata mein. .

Tujhy kaisy bhulata mein. .?
Hai inteha-e-yaas bhi ik ibtada-e-shauq. .

Phir aa gaye wahin pe, chalay thy jahan se hum. . !
Tujhy bhula k jiyu’n, aisi bad-dua bhi na de
Khuda mujhy ye tahammul, ye hosla bhi na de

Meray bayan-e-safaai k darmian mat bol
Sunay baghair mujhy, apna faisla bhi na de

Ye umer meine tery naam be-talab likh di
Bhalay se daman-e-dil mein kahin jaga bhi na de
Ye din bhi aaingy, aisa kabhi socha na tha
Wo mujh ko dekh bhi lay aur muskura bhi na de

Ye ranjish’ain to muhabbat k phool hain ‘Sajid’
Ta’aluqaat ko is baat per ganwa bhi na de. . !
Har daaman-e-wafa se lipat’ta mein kis liye?

Aisa tou be-anaa mera dewana-pan na tha. . !
Dil hatheli per liye sab ne qataar’ain baandh lee’n
Sab ne aankho’n ki sajai kehkasha’n tere liye

Apni umeedo’n k taaray tery aagay rakh diye
Kar diya sab ne zameen ko aasman tery liye

Cactus jaisay hain ye mery dar-o-deewar bhi
Mera kamra hai dasht-e-be-ama’n mery liye

Mein to sardi’on ki thitharti raat ka mehtaab hun
Kon kholta hai ghar ki khirki’an mery liye?
Hum khud taraash’tay hain manazil k sang-e-raah

Hum wo nahi hain jin ko zamana bana gya. . !
Hum hain wo barg-e-khizaa’n-deeda jinhain ‘Nasir’

Chaman mein dhoondti phirti hai barg-e-awara. . !
Hoti nahi qubool dua tark-e-ishq ki

Dil chahta na ho tou zuba’n mein asar kahan?
Hum tou mukhlis hain aur be-gharz hain aisay ‘Sana’

Kay chott khaingy tujh se, tujhy dua deingy. . !
Teri paayal tery khuwabo’n ki sadaa. .
Jaisy sehra mein saraabo’n ki sadaa. .

Itna hasaas hun, sun leta hun. .
Shaam k zard gulabo’n ki sadaa. .

Jism sunta hai sakoot-e-shab mein. .
Dil k pur-shor azabo’n ki sadaa. .
Ghaur se sun kisi almari mein. .
Gard aaloodkitabo’n ki sadaa. .

Raat aya tha chambeli ka paighaam. .
Jaisay khoye huay khuwabo’n ki sadaa. !
Yehi sheher-e-ghum ka naseeb hai, k wo roshni ka naqeeb hai

Jo chura gaya hai kiran kiran, jo bujha gaya hai diya diya. . !
Yaad parta hai k kush khuwab thy dhundlay dhundlay

Wo amanat mein kahi’n bhool gaya hun rakh k . . !
Ye phool apni latafat ki daad paa na saka

Khila zaroor magar khil k muskura na saka. !

facebook