Ta’ana detey hain tumhari be rukhi ka hum ko log,

Bat ki bardasht kam thi zakham e dil sehna para..
Na fareb dey sakey gi humien ab kisi ki chahat,

Kay rula chuki hain hum ko teri kam sukhan nigahien..
Zeest kay har mor par mujh ko wo yad aya bohat,

Tark kar kay dosti main us sey pachtaya bohat..
Sirf dhundlaye sitaron ki chamak dekhi hai,

Kab howa kon howa mujhsey khafa yad nahi..
Naaz tha tum ko kisi kay pyar par,

Ab manao jashn apni haar par..
Na mehdood jalwey na mehroom nazrien,

Merey dil ko nahuq pareshaniya hain..
Na rona hi tareeqey ka na hansna hi treeqey ka,

Pareshani me koi kam ji sey ho nahi sakta..
Main pareshan tha pareshan hun nai bat nahi,

Aj wo bhi pareshan hain khuda khair karey..
Meri qismat me nahi tum to phir ALLAH karey,

Gair ho jaye shareek e ghum e hijran mera..
Meri talab tha ek shakhs wo jo nahi mila to phir,

Hath dua sey yon gira, bhool gaya sawal bhi..
Ghumon ki dhoop me rehney laga hai dil mera,

Pighal kay ankh sey behney laga hai dil mera…
Ghum e arzo teri rah me, shab e arzo teri chah me,

Jo ujar gya wo basa nahi, jo bichar gya wo mila nahi…
Jo tum sey ho sakey to naam bhi mat lo mohabbat ka,

Ye esa saniha hai zindagi barbaad kar dega..
Apna saya bhi juda lagta hai apni zaat sey,

Hum ney us sey dil laganey ki saza pai bohat..
Na kar dil azaari, na ruswa kar mujhe, de maafi,

Jurm bata, saza suna or khatm kar shikway saaray..
Usey ganwa kay main zinda hun is tarha mohsin,

Kay jesey tez hawa me charagh jalta hai..
Mojood thi udaasi abhi pichli raat ki,

Behlaa tha dil zara sa ke phir raat ho gayi..
Jaaney kis dil se muskuratey hain,

Woh jo andar se toot jatey hain..
Ujrre huye ghar ka main wo darwaaza hoon Mohsin,

Deemak ki tarah kha gayi jise teri dastak ki tamanna..
Lahuu ke ghoont jo musalsal pee raha hoon main,

Maloom nahin, log kehte hain ke jee raha hoon main..

facebook