Wo pathar tha mein shesha tha natija kiu nahi nikla,

Usey thokar lagana thi, mujhy bhi toot jana tha
Usski jafaaao’n ne mujhe tahzeeb sikha di hai Mohsin,

Main rote hue so jaaata hoo’n par shikwa nahi karta……
Na tumhey hosh rahey or na mujhey hosh rahey,

Is qadar toot kay chaho mujhey pagal kar do..
Is qadar toot kay tum par humey pyar ata hai,

Apni bahon me bharien mar hi dalien tum ko..
Dheeray Se Sarakti Hai Raat Us Ke Aanchal Ki Tarah
Uska Chehra Nazar Aata Hai Jheel Main Kanwal Ki Tarah

Baad Muddat Usko Daikha To Jism-o-Jaan Ko Yun Laga
Pyasi Zameen Pe Jaisay Koi Baras Gaya Baadal Ki Tarah
Roz Kehta Hai Seenay Pe Sar Rakh K Raat Bhar Jaga’uon Ga,
Sar-e-Sham Hee Mujhe Aaj Phir Sula Gaya Wo Kal Ki Tarah,

Mere Hee Dil Ka Makee.n Nikla Wo Shakhs “Wasi”
Aur Mein Shehar Bhar Me Dhundta Raha Usy Kisi Pagal Ki Tarah
Tum mere dard bhi, gham bhi, alaam bhi tum,
Tumn mera chain ho jana, mera araam bhi tum,

Kamyaabi ko nahin hum ne tumhe chahaa hai ,
Hum tumhare hain bhaley ho gaye nakaam bhi tum,
Main maseeha hoon agar, mera wazeefa tum ho,
Main hoon mujrim meri jaan mera ilzaam bhi tum,
Kya zaroorat hai mujhe dard ke me’khaanon ki,
Tumhi nasha, tumhi paimaana, mera jaam bhi tum
,
Mukhtlif se bahaanon se mujhe sochtey ho,
Aik din khul ke pukaro ge mera naam bhi tum,

Yeh seyaasat bhi ajab khail hai bholey panchi,
Yahan seyaad bhi tum ho, to teh’daam bhi tum,

Jis se roshan mera aangan hai tumhi ho woh chiraag,
Sach to yeh hai ke tumhi ghar ho, dar-o-baam bhi tum,

Raat din tum ko faqat tum ko mujhe sochna hai,
Meri furssat bhi tumhi aur mera har kaam bhi tum..
Ajeeb saanehaa guzraa hai mujh pe aaj ki sham,
Main aaj shaam tumhare hijar main udaas na tha,

Ab aik saal to yeh aik gham hi kaafi hai,
Tumhari salgiraah par bhi tumhare paas na tha..
Ab magar kuch bhi nain, kuch bhi nahin ho sakta,
Apne jazbon se yeh rangeen shararat na karo,

Kitni masoom ho, naazuk ho, hamaqat na karo,
Baar’haa tum se kaha tha ke mohabbat na karo..
Dya Dye Se Jalaa Loon Tou Chain Aaye Mujhe
Tumhain Galay Se Laga Loon Tou Chain Aaye Mujhe

Mohabbaton Ke Saheefay Hain Ya Azaab Koi ?
Tere Khatoot Jala Loon Tou Chain Aaye Mujhe
Jab tak tere aanchal se yeh paimaa’n bandhe hain,
Janaan, Mere laut aaney ke imkaa’n bandhe hain,

Us ko kabhi aati bhi nahin ho gi meri yaad,
Jis shakhs se har lamhaa mere dheyaa’n bache hain..
Diya diye se jala loon to chain aaye mujhe,
Tumhain galey se laga loon to chain aaye mujhe,

Mohabbton ke saheefay hain ya azaab koi,
Tere khatoot jala loon to chain aaye mujhe..
Woh mujhe chorr geya tha kisi rangeeni main,
Woh jo ab dhoondta rehta hai kharabon mein mujhe,

Tum ne ik umar kiya hai nazar’andaaz Wasi,
Aur ab dhoondte phirte ho saraabon mein mujhe,

Zaroob-o-taqseem Wasi ishq mein la’hasil hai,
Jaaney kyon khojtay rehte ho hisaabon mein mujhe..
Choomna kya usey aankhon se lagana kesa,
Phool jo coat se gir jaye uthaana kesa,

Apne honton ki haraarat se jagaao mujh ko,
Yoon sadaaon se dam’e’subaah jagana kesa..
Kab talak tujh pe inhisaar karain,
Kyon na ab doosron se pyar karoon,

Tu kabhi waqt per nahin pohancha,
Kis tarah tera aitbaar karain..
Ab mera phone kyon uthao ge tum,
Ab mera tum ko ehtraam nahin,
Ab tumhain mujh se koi kam nahin..
Mere maula teri janat se judaa lagti hai,

Meri dharti mujhe masoom dua lagti hai..
Yeh mera hausla hai tere baghair,

Saans leta hoon baat karta hoon..
Koi malaal koi aarzoo nahin karta,
Tumhare baad yeh dil guftagu nahin karta,

Koi na koi cheez meri toot jati hai,
Tumhari yaad se jab bhi wuzu nahin karta..
Jaan se maar de mujhe lekin,

Chorr jane ka mujh pe zulam na kar..
Wasi Shah Poetry
Jis ko ik baar cherr dain to phir,
Chain ka aik pal nahin hota,

Koi aljabrey ka sawaal ho tum,
Jo kisi taur hall nahin hota..

facebook