Kabhi hum tutey toh kabhi khwaab tutey,
Na jane kitne tukron mein armaan tutey,

Har tukra aayina hai zindagi ka,
Har aayine ke saath laakhon jazbaat tutey..
Main bimaar-e-mohabbat hoon,
Muje kya gharz hakeemo se,

Agar meri shifaa chaho,
To mera mehboob la do..
Gham’zadon* par is qadar hota hai maazi ka assar,
Shadmaani main bhi aksar muskuraa saktey nahin,

Jis tarah do taalib-o-matloob naraazi ke baad,
Mudatton ik dusrey ke dilon se jaa saktey nahin..
Anaa parast hai itnaa ke baat se pehle,
Woh uth ke band meri har kitab karde ga,

Main sach kahoon ga per haar jaaon ga,
Woh jhoot boley ga aur la’jawaab karde ga..
Ghanney darakht ke neechey sulaa ke chorr geya,
Ajeeb shakhss tha sapney dikhaa ke chorr geya,

Yeh ujrra hua ghar to usi aik ki nishaani hai,
Jo apne naam ki takhti* lagaa ke chorr geya..
Mohabbat farzz hoti ja rahi hai,
Kisi ka qarzz hoti ja rahi hai,

Badan ko chaatt le gi ab yaqeenan,
Judaai marzz hoti ja rahi hai..
Ek ajeeb sa manzar nazar aata hai,
Har ek qatra samandar nazara aata hai,

Kahan banaaon main ghar sheeshey se,
Har kisi ke hath mein pathar nazar aata hai..
Yahaan alfaaz biktey hain,
Tijaarat hai takhiyul ki,

Muhabbat aik paisha hai,
Tumhary sheher mein Mohsin..
Abhi bahaar baaqi hai chaman mein,
Abhi shaakh se phool torna theek nahin,

Abhi sheher ke logon ko zarurat hai roshni ki,
Abhi hawaaon ka rukh morrna theek nahin..
Abhi to shikaytain hain dil badnaseeb se,
Ik din kisi ko dekh liya tha qareeb se,

Us ke baghair bhi wohi hai zindagi ka daur,
Halaat-e-zindagi bhi hain ajeeb se..
Rishte hasaas hote hain,
Mohabbat anmol hoti hai,

Iss ishq ke bazaar mein,
Har cheez be-mol hoti hai..
Ek Ajnabi Hai Magar, Rooh Shanas Lagta Hai,
Meri Tarha Mujhe Wo Bhi Udaas Lagta Hai,

Karu’n Talash Toh Ho Shaq Wajood Par Usky,
Jo Aankhein Band Karun Toh Aas Paas Lagta Hai..!!!
Phir Aaj Koi Gazal Tere Naam Na Ho Jaye !!
Kahin Likhte Likhte Shaam Na Ho Jaye !!

Kar Rahe Hain Intezaar Teri Mohabbat Ka !!
Isi Intezaar Me Zindagi Tamam Na Ho Jaye !!
Gilley hain hazaron ke badle ho kyon tum,
Magar ab karain kyon gillaa ajnabi se,

Azal hai neendain ganwaaney ka silsila,
Yeh acha nahin silsila ajnabi se..
Dil jo toota hai to dil ke konon se,
Teri meri nishaniyan nikli’n,

Tu gaya hai to mere yaaron mein,
Kesi kesi kahaniyan nikli’n…
Aese Bichrro Nahin, Sadaa Ke Liye,
Mujh Se Rootho Na Tum, Khuda Ke Liye,

Main Ne Manga Hai Bas Tumhe Rab Se,
Hath Jab Bhi Uthey Dua Ke Liye..
Mujhy Chhor Day Meray HaaL Par,
Tera Kya Bharosa Aey Hum Safar. . .!

Teri Mukhtasar Si Nawazishain
Mera DarD Aur Barhaa Na Dain..!!
Khud ko parhta hoon chorr deta hoon,
Roz ik warq morr deta hoon,

Iss kadar zakhm mein nigahon mein,
Roz ik aayina torr deta hoon..
Na theen aur koi bi Ranjishain,
Sirf Aadaton mein tazaad tha..!!

Ke Usey pasand theen Shokhiyaan,
Mujhe saadgi main kamal tha..!!
Khushiyon ki baraat adhoori chorr gaye ho,
Saajan dil ki baat adhoori chorr gaye ho,

Logon ki takmeel ka baye’s ban’ne wale,
Kyun-kar meri zaat adhoori chorr gaye ho…

facebook