Apna saya bhi juda lagta hai apni zaat sey,

Hum ney us sey dil laganey ki saza pai bohat..
Usey ganwa kay main zinda hun is tarha mohsin,

Kay jesey tez hawa me charagh jalta hai..
Jaaney kis dil se muskuratey hain,

Woh jo andar se toot jatey hain..
Lahuu ke ghoont jo musalsal pee raha hoon main,

Maloom nahin, log kehte hain ke jee raha hoon main..
Shayed isi ka naam mohabbat hai Sheefta,

Ik aag si hai seeney ke andar lagi hui..
Dil ke tootney se jo takleef huyi to huyi,

Tamaam umar ka jo araam hua to khoob hua..
Thaki thaki si fizaayen, bujhey bujhey taarey,

Bari udaas gharri hai, zara theher jao..
Chand sikkon ke liye bik jata hai imaan yahan,

Kon kehta hai mere mulk mein mehngayi bohat hai.
Phir Na Karna Meri Gustakh Nigahaon Ka Gila,

Daikhye Aap Ne Phir Pyar Se Daikha Hai Mujhe..
Seekh liya hum nay bhi tark-e-Taluq kerna,

Mohabbat dety dety hum ny apni Qadar kho di!!!
Waqt sub kuch hi chheen laita hai,

Ye to phhir aik muskrahat thi
Namaaz parhoon to dua mai haath uthati hoon,
Akailay mai hoon to faryaad kar leti hoon,

Hijar ki raaton mai, sisak sisak kay roh leti hoon,
Tanhayi kay dinon mai uss ki aik jhalak dekhnay ko taras jaati hoon,

Chalte chalte raahon mai uss ka rasta takti hoon,
Aik din insha’Allah humara hoga millan,

Iss umeed kay saharay dil behla leti hoon..
Dukh Bol Raha Tha Bilkul Us Ke Lehjay Mein,

Phir Mein Ne Kaha Mat Bol Piya Ke Lehjay Mein..
Mere naseeb ka khel niraala ho gaya,

Ghar mera jalaa aur kahin aur ujala ho gaya…
Nikle jo janaza mera do phool gira dena,

Milne ki tamana ho toh kafan hata dene..
Wo Toot Chuka Tha Mohabbat Main,

Mgar Us Ko Mohabbat Se Koi Shikayat Nai Thi..
Mujhe Neend Ki Ijaazat Bhi Unki Yaadon Se Leni Parti Hai,

Jo Khud Aaram Se Soye Hain Mujhe Karwaton Mein Chhor Kar..!!!
Rah-e-muhabbat main ajab sa howa hai haal apna,

Na zakhm nazar ata hai na dard saha jata hai…
Bichadh K Tujh Se Ajab Wehshaton Ne Ghera Hai,

Udaas Rehtaa Hai Yeh Dil Bhi Janglon Ki Tarah…!
Talash kesy karen khusboon ke maskan ko

hawa bhi chup hy badan hy nidhaal apna bhi

facebook