Wo is kamal se khela tha ishq ki bazi,

Me apni fatah samajhta tha maat hone tak.
Wo ae bazam me itna to meer ne daikha,

Phir us k bad charaghon me roshani na rahi,
Wo kar nahin raha tha meri baat ka yakeen,

Phir yon hoa k mar k dikhana para muje.
Najane kon sa aseeb dil me basta hai,

K jo bhi thehra wo akhir makan chor gea.
Najane kon si galion me chor aea hon,

Charagh jalte hoe khawab muskarate hoe.
Mila bhi to kahan us ka naam likhain ge,

Kitab e zeesat ka koi waraq bhi sada nahin.
Mera haq hai gardash e jaam par mera haq hai kaif e daam par,

K charagh e mehfil e naaz me abhi jaal raha hai mera laho.
Muj ko bhi tehyar hai khad o khal pe apne,

Heran hai aina magar muj se ziada.
Lob o dehan bhi mila guftago ka fan bhi mila,

Magr jo dil pe guzari hai keh sakon bhi nahin.
Lote hain to wo gard masafat hai badan par,

Aina humen daikh k dhondula sa ho gea.
Log pochen ge fakeron ka thakana kia hai,

Tere qadmon ka pata de k guzar jaen ge.
Lakh rakhe gi chopa kar mosamon ki ankh se,

Dukh hawa ka zard paton par aayan ho jae ga.
Le gai hai sari khoshbo cheen kar thandi hawa,

Patian bikhari pari hain khak par mere lie.
Gulshan parast hon muje gull hi nahin aziz,

Kanton se bhi nibah kie ja raha hon me.
Kitni sadiyon se saleeb e azmaesh par hon me,

Kon hai jo lamha lamha azmata hai muje.
Kion doob sa jata hai sar e sham mera dil,

Soraj ko agr ghor se dhalte hoe daikhon.
Qareeb e rahguzar turbat ka hona bhi qiyamat hai,

Idher se jo guzarte hain tumhara naam lete hain.
Qarab hi kaam hai na dori hi ziada lakin,

Ajj wo rabat ka ehsas kahan hai k jo tha.
Faisal makalma tha hawaon ka phol se,

Wo shor tha k muj se suna kuch nahin gea.
Ghazal kahon kabhi sada se khat likhon us ko,

Udas dil k lie mashghale talash karon.

facebook