Aftaab* ho jaise waisa hoon mein,

Shaam abhi ayi na thi dooba hoon mein..
Yeh Sangdilon ki duniya hai yahan sunta nahi fariyad koi,

Yahan hastey hain log jab bhi hota hai barbaad koi..
Dard mandon ko kisi ne to pukara hoga,

Bhari zaalim duniya main koi to hamara hoga..
Haal e dil kehne geya tha, na kaha,

Mausamon par guftgu achi rahi….
Be’hissi ke haatmey ka marhalaa bhi aye ga,

Sabhi pathar ho gaye to zalzlaa bhi aye ga..
Waqt hi be’meher tha, halaat hi be’faiz they,

Kaun sa gham tha jo Mohsin ne apnaya na tha..
Hum khud hi baayes-e-azaar hain apne liye warna,

Na hum hotey, na dil hota, na dil aazaariyan hotin..
Har qadam per mujh se takratey hain pathar ke sanam,

Kya bhari dunyaa main insaan aye khudaa koi nahin??
Gham-e-mohabbat sataa raha hai gham-e-zamana massal raha hai,

Magar mere din guzar rahe hain, magar mera waqt ttal raha hai..
Intizar ka aalam kya bataaon Parvaaz,

Chaunk parrta hoon sans ki sadaaon par..
Mere kheyaal mein duniya ujarr gayi meri,

Tere kheyaal mein patey they junglon ke..
Raat ke pichley peher uthataa hai,

Dard-e-dil tahajjud guzaar ho jese..
Humain bhi apni tabaahi pe ranj hota hai,

Hamarey haal-e-pareshaan pe muskuraao nahin..
Woh mazaa diya tarrap ne ke yeh arzoo hai ya rab,

Mere dono pehluu main dil-e-beqaraar hotaa..
Maine chaha tha smaitoon aik bikhrey shakhss ko,

Kitne tukrron mein najane zaat meri batt* gayi..
Main apne aap me chupke se laut aata hoon,

Kisi bhi simt se jab hauslaa nahin milta..
Laaon kahan se dhoond kar main apna hamnawaa*,

Khud apne har khayaal se takraa chuka hoon main..
Gum hain sab apni sadaa ke shor main,

Main jo kehta hoon, koi sunta nahin..
Ghar se nikal parre hain awaargi uthaa kar,

Hum ko yehi bohat hai asbaab* is safar mein..
Aik junoon be’mayini, aik yaqeen la’haasil,

Aur kia mila mujhey teri aarzuu kar ke…

facebook