Kisi ka dard ho karte hain tere naam raqam*,

Gilaa hai jo bhi kisi se woh tere sabab se hai..
Qadam ghar mein rakhte hi ghayal hua,

Girey toot ker mujh per deewar-o-dar..
Arsaa-e-umar mein kya kya na rutain aayi magar,

Koi thehri na yahaan dard ke mausam ki taraah..
Qadam qadam pe keyi zaaviye badalta hai,

Teri tarah tera gham bhi bahana karta hai..
Talb-e-dard mein dil hadh se guzarta kab tha,

Tum ne poocha tha ke aur, us ne kaha aur sahi..
Sirf halaat hi nahin badle,

Hauslon main bhi kuch kami si hai..
Safar mein sath mera aur koi kya deta,

Hawaa bhi meri taraf saamne se aayi hai..
Charr jaye to phir utarta hi nahin,

Yeh ishq bhi ghareeb ke qarzz jesa hai..
Raat dhalne lagi hai badan thakan se choor hai,

Aye khayal-e-yaar taras kha sone de mujhe..
Tafseel se kaise sunayen yeh kissa muhabbat ka,

Ke tum masroof ho ab tak hamain barbaad karne mein …
Chalti hai ab to saans bhi is ehtiyaat se,

Jese guzar rahi ho kisi pul siraat se..
Dil tujh se bicharr kar bhi kahan jaye ga aye dost,

Yadon ke khilone se behel jaye ga aakhir..
Hum Jee Rahe Hyn Koi Bahana Kiye Bagair,

Us K Bagair, Us Ki Tamanna Kiye Bagair..
Toot jata hai to sur aur bhi lau deta hai,

Dil jisey kehte hain woh saaz juda hai sab se..
Woh geet jo tum ne suna nahin, meri umar bhar ka reyaaz tha,

Mere dard ki thi woh dastaan, jisey tum hanssi mein urra gaye..
(saqi)
Dard mene kamaa liye kafi,

Zabt ki ab zakaat wajib ha..
Jis mein shaamil na ho meri soch ka taaza lahu,

Us ghazal mein kuch kami mehsus hoti hai mujhe..
Yeh saane’haa bhi mohabbat mein bar’haa guzra,

Ke us ne haal bhi pucha to aankh bhar aayi..
Mujh Ko Dhoond Laita Hai Nitt Naye Bahanay Se,

Dard Ho Gaya Waaqif Meray Her Thikanay Se…!!
Phir jaag utha hai dil mein puraney dinon ka dard,

Jee chahta hai ke phir koi taaaza ghazal likhoon..

facebook