Hai inteha-e-yaas bhi ik ibtada-e-shauq. .

Phir aa gaye wahin pe, chalay thy jahan se hum. . !
Tujhy bhula k jiyu’n, aisi bad-dua bhi na de
Khuda mujhy ye tahammul, ye hosla bhi na de

Meray bayan-e-safaai k darmian mat bol
Sunay baghair mujhy, apna faisla bhi na de

Ye umer meine tery naam be-talab likh di
Bhalay se daman-e-dil mein kahin jaga bhi na de

Ye din bhi aaingy, aisa kabhi socha na tha
Wo mujh ko dekh bhi lay aur muskura bhi na de

Ye ranjish’ain to muhabbat k phool hain ‘Sajid’
Ta’aluqaat ko is baat per ganwa bhi na de. . !
Har daaman-e-wafa se lipat’ta mein kis liye?

Aisa tou be-anaa mera dewana-pan na tha. . !
Dil hatheli per liye sab ne qataar’ain baandh lee’n
Sab ne aankho’n ki sajai kehkasha’n tere liye

Apni umeedo’n k taaray tery aagay rakh diye
Kar diya sab ne zameen ko aasman tery liye

Cactus jaisay hain ye mery dar-o-deewar bhi
Mera kamra hai dasht-e-be-ama’n mery liye

Mein to sardi’on ki thitharti raat ka mehtaab hun
Kon kholta hai ghar ki khirki’an mery liye?

Hum khud taraash’tay hain manazil k sang-e-raah

Hum wo nahi hain jin ko zamana bana gya. . !
Hum hain wo barg-e-khizaa’n-deeda jinhain ‘Nasir’

Chaman mein dhoondti phirti hai barg-e-awara. . !
Hoti nahi qubool dua tark-e-ishq ki

Dil chahta na ho tou zuba’n mein asar kahan?
Hum tou mukhlis hain aur be-gharz hain aisay ‘Sana’

Kay chott khaingy tujh se, tujhy dua deingy. . !
Teri paayal tery khuwabo’n ki sadaa. .
Jaisy sehra mein saraabo’n ki sadaa. .

Itna hasaas hun, sun leta hun. .
Shaam k zard gulabo’n ki sadaa. .

Jism sunta hai sakoot-e-shab mein. .
Dil k pur-shor azabo’n ki sadaa. .

Ghaur se sun kisi almari mein. .
Gard aaloodkitabo’n ki sadaa. .

Raat aya tha chambeli ka paighaam. .
Jaisay khoye huay khuwabo’n ki sadaa. !
Yehi sheher-e-ghum ka naseeb hai, k wo roshni ka naqeeb hai

Jo chura gaya hai kiran kiran, jo bujha gaya hai diya diya. . !
Yaad parta hai k kush khuwab thy dhundlay dhundlay

Wo amanat mein kahi’n bhool gaya hun rakh k . . !
Mery haalaat ki abtari dekh kar . .
Us k abbu ne thukra diya tha mujhy . .

Phir achanak wo ik anjuman mein mili . .
Apni khamosh palkain jhukaye huay . .

Wo mery pas aa kar kharri ho gai . .
Chand lamho’n talak khanjar-e-khamoshi ..

Dheeray dheeray kalaij’on mein chalta raha. .
Waqt hairan aankho’n ko malta raha. .

Phir zara daair mein mozu-e-guftugu. .
Apny hath aa gaya. .

Yani mosam, siyasat, ghum-e-zidagi. .
Dair tak us se jee bhar k baatain hui’n. .

Phir wo chaltay huay aik pal ko ruki . .
Mujh se kehny lagi:

Shayari se bhala kia mila aap ko?
Sirf palko’n ka num?

Sirf yaado’n ka ghum?
Aap ki shohratain, aap ko besh-o-kam . .

Kuch na de gi kabhi shayari mohtaram. . !
Mat bura maniye ga meri baat ka. .

Ye taqaza hai mojooda haalaat ka. .
Is liye jan-e-man shayari chorr kar. .

Fann k in raigzaaro’n se munh morr kar. .
Ab Dubai aur Musqat ka rukh kejiye. .

Chand barso’n mein jab aap ki jaib mein. .
Aath dus laakh ho’n. .

Tab watan aaiye. .
Aur abu se phir maang lejiye mujhy. !
Ye charagh-e-anjuman to hain bus aik shab k mehmaan

To jala wo shama ae dil! jo bujhy na kabhi jal sakay!

Yehi kahaingy jo pucha gaya wahan hum se

Jiye to khaak, magar zindagi guzaar aaye. !
Ye phool apni latafat ki daad paa na saka

Khila zaroor magar khil k muskura na saka. !
Ye ittefaq hai sab raah ki musafat k

Chalay kisi k liye, jaa milay kisi k sath. . !
Bus yunhi rasmi rasmi sa
Ik be-mafhoom ta’aruf tha

Us ne mera number mang liya
Phir ik din telifone kiya

Phir fone kiya..
Phir fone kiya..

Ik roz thi barish zoro’n per
Baadal garjay, Bijli chamki

Phir boondai’n barsi khirki per
Tab uska telifone aya

Be-saakhta meine us se kaha
Barsaat mein tanhai ki saza

Kyun deti ho?
Kyun karti ho tum fone mujhy?

Kuch lamho’n tak wo chup si rahi
Phir kehnay lagi:

Jo aap ka dheema lehja hai
Mujhy be-hadd acha lagta hai

Awaaz jo ap k honto’n se
Tashna kaano’n tak aati hai

MUJHY “USKI” YAAD DILATI HAI…!
Ye ajnabi si manzilain aur raftaga’n ki yaad

Tanhai’yon ka zeher hai aur hum hain dosto!
Ye roshan aur piyari aankhain
Zalim khaak mein rul jaingi

God mein lainy wali baanh’ain
Beher-e-fana mein ghul jaingi

Maa’n tum tanha chorr k hum ko
Sheher-e-ajal mein kho jaogi

Bujh jaingi roshan aankhain
Maa’n tum chain se so jaogi

Sheher-e-abad ki ho jaogi
Charagar’on k qaatil jumley

Sunta hun to dukh hota hai
Zabt karo’n to dum ghut’ta haiAshk piyu’n tou dil rota hai

Taaq umer se dheeray dheeray
Kitni sham’ain bicharr chuki hain

Tum se pehly taiz hawa se
Kitni aankhain ujarr chuki hain

Lekin ye ghum kaisa ghum hai?
Jis k sog mein chashm-e-falak bhi

Janay kitney roz se num hai
Janey kab tk ro’aingi aankhain

janay kab tk lamhay gin gin
Guzraingy sooli per ye din

Aur phir ik din . . .
Sochta hun to kaanp uthta hun. . .!
Baant lay koi kisi ka dard ye mumkin nahi,

Baar-e-gham uthwatay nahi duniya main mazdoor sa ..

facebook