Chand sikkon ke liye bik jata hai imaan yahan,

Kon kehta hai mere mulk mein mehngayi bohat hai.
Bholay hain rafta rafta unhe mudatton me ham,

Qiston me khudkushi ka maza koi ham se pochy..
Zawaal yeh, ke tera sath nahin,

kamaal yeh, ke jee rahe hain..
Marna koi mushkil to nahin hai,

Jeeney ki magar koi wajah chahiye..
Suno, koi rasta batana,

Mohabat se wapsi chaahiye..
Waqt bhi leta hai karwat najaney kese kese,

Umar itni to nahin jitne ke sabaq seekhey hain..
Wo humse kahte hain ke badal gaye hain hum,

Rang tuttey pato’n ka aksar badal hi jata hai.
Zakir yeh shayari ki dhun bhi hai buri balaa,

Hum ne milaaya khaak main sab karobaar ko.
Adabb ki baat hai warna zara socho tou,

Jo shakhs sunta hai, wo bol bhi tou sakta hai…
Yahan rait urtti hai pehle se Ahsan,

Woh aankhon ko aur kya sehraa karega..
Jis tarah khawab mere ho gaye raizaa raizaa,

Is tarah na kabhi toot ke bikhrey koi..
Jism se khoon nichorr leta hai,

Ishq jab hijar ourrh leta hai …
Kitna khush hoon dar-o-deewar ki veerani se,

Is ka matlab hai yahan se mera ghar door nahin..
Hijar ki raat dhal gayi mohsin,

Ab to dil se kaho sambhal jaye..
Hum ne apni udaasi ka es terhan bharam rakha,

Rabtay kam ker diye aur Maghroor kehlanay lagey..
Kese ajeeb daur main jeena parra mujhe,

Sheeshey ke hain insaan to pathar ka aadmi..
Woh din kahan ke thi mujhe jeeney ki aarzoo,

Phirtaa hoon ab to dil ka janaaza liye huye..
Ghar ke saarey phool hungaamon ki ronaq ho gaye,

Khaali guldaanon se batain karke so jayen ge hum..
Log dete rahe kya kya na dilaasey mujh ko,

Zakham gehra hi sahi, zakhm hai bhar jaye ga..
Humain khud apne hi yaaron ne kar diya ruswaa,

Ke baat kuch bhi na thi aur wazaahtain thi bohat..

facebook