Maqtal se aaney wali hawa ko bhi kab mila

Aisa koi dareecha k jo be-saleb tha. . !
Makeen khush they k jab band they makano’n mein

Khulay kawaarr tou taalay parray zabano’n mein. . !
Mein tou usko dekhtay hi jaisy pathar ho gaya

Baat tak na munh se nikli be-wafa k saamney. . !
Mujh ko to hosh nahi’n tum ko khabar ho shayad

Log kehtay hain k tum ne mujhy barbaad kiya. .!
Mein hi nahi’n sab log ye kehty hain kasam se

K chaand teray husn ka andaza hai shayad. .!
Manga karaingy ab se dua hijr-e-yaar ki

Akhir tou dushmani hai asar ko dua k sath. .
Mein mae-kaday ki raah se ho kar nikal gaya

Warna safar hayaat ka kitna taweel tha. . .
Mit chalay meri umeedo’n ki tarha harf magar

Aaj tak tery khato’n se teri khushbu na gae. .
Meray daaman mein shararo’n k siwa kuch bhi nahi’n

Aap phoolo’n k kharidaar nazar aaty hain. .
Meine chaha tha andoh-e-wafa se chootu’n

Wo sitam’gar mery marnay pe bhi razi na hua. . !
Mein phool chunti rahi aur mujhy khabar na hui.
.
Wo shakhs aa k mery sheher se chala bhi gaya. .
Meri rooh ki haqeeqat mery aansuo’n se pooch!

Mera majlisi tabassum mera tarjumaa’n nahi’n hai. .
Muddat k baad azn-e-tabassum mila magar
. .
Wo bhi kuch aisa talkh k aansu nikal parray. .
Meri zindagi pe na muskura, Mujhy zindagi ka alam nahi’n

Jisay tery ghum se ho waasta, Wo khizaa’n bahaar se kam nahi’n. . !
Meray hissay ki be-taabi mujhay mil hi jaye gi

Wo nahi’n aata, na aaye mera kia le jaye ga. . !
Mujh se kafir ko tery ishq ne youn sharmaya.

Dil jo tujhy dekh k dharka tou khuda yaad aya. .
Munhasir ehl-e-sitam per hi nahi’n hai ‘Mohsin’

Log apno’n ki enayat se bhi marr jatay hain. .
Munhasir ehl-e-sitam per hi nahi’n hai ‘Mohsin’

Log apno’n ki enayat se bhi marr jatay hain. .
Mata-e-dil hi bachi thi bus ik zamanay mein

So hum usey bhi teri anjuman mein haar aaye. .
Mein sheher bhar mein aik hi eeza-pasand hoon

Gar chahiye dua tou mera dil dukhaiye. . !


facebook