Meray fann ka daaira phailay ga meray baad bhi

Phool murjhaye to khushbu ka safar rukta nahi’n. .
Majrooh jin se dil hi nahi’n, Rooh tak hui

Wo teer ittefaq se ik aashna ka tha. . !
Mae se gharz nishaat hai kis rosiyah ko. .

Ik gona-e-be-khudi, Mujhy din raat chahiye. .
Muflisi hiss-e-latafat ko mita deti hai.

Bhook aadab k saanchay mein nahi’n dhal sakti. . !
Mein akela hi chala tha janib-e-manzil,

Log sath aaty gaye aur kaarwa’n banta gaya. . !
Na ganwao nawik-e-neem-kash, Dil-e-reza reza ganwa diya

Jo bachay hain sung samait lo, Tan-e-dagh dagh luta diya.
‘Nadeem’ tark-e-muhabbat ko aik umer hui

Mein ab bhi soch raha hun k bhool jaun usey. . !
Na gul khilay hain, na un se milay, na mae pi

Ajab rung mein ab k bahaar guzri hai. . !
Najanay dushmano’on ki konsi baat yaad aa gai. .

Labo’n tak aatay aatay bad-dua hi aur ho gai.
Nibhai waza-e-bismil inteha tak. .

Na manga qaatil’on se khoo’n baha tak. . !
Naam le k mera tum us ko pukaro tou sahi

Is bharay sheher mein jis shakhs ko tanha dekho. . !
‘Nasir’ boht si khuwahishain hain dil-e-be-qaraar mein

Lekin kahan se laun wo be-fikr zindagi. . !
‘Nadeem’ jo bhi mulaqaat thi, adhuri thi.

K aik chehray k peechay hazaar chehray thy. .!
Na junoo’n raha rukh-e-wafa, ye rasn, ye daar karo gy kia?

Jinhain jurm-e-ishq pe naaz tha, wo gunah-gaar chalay gaye. . !
Na us ki bazm mein aansu baha’eyo ae chasm!

Nigah rakhi’yo zara meri aabru ki taraf. . !
Na aisay aaney ki aarzu thi, na aisay jana hamari khoo thi,

Hamary dil ki bhi aabru thi, magar wo pehla sa dil kahan hai. . !
Nishan-e-manzil jana’n milay milay na milay

Mazay ki cheiz hai ye zouq-e-justuju apna. . !
Na janay kab ka pohnch bhi chuka sir-e-manzil

Wo shakhs jis ka humain intezaar raah mein hai. . !
Na milay zeher tou apna hi lahu peetay hain

Jaam khaali nahi’n rehtay kabhi saqraato’n kay. . !
Na raah-e-johd na’e hai na jabr-e-wakt naya. .

Tamam umer guzari hai imteha’n ki tarha. . !


facebook