Hum jo phirtay hain wehshat-zada sir-e-girdaa’n

Thay kabhi sahib-e-aarzu sheher mein. . !
Hum khud taraash’tay hain manazil k sang-e-raah

Hum wo nahi hain jin ko zamana bana gya. . !
Hum hain wo barg-e-khizaa’n-deeda jinhain ‘Nasir’

Chaman mein dhoondti phirti hai barg-e-awara. . !
Hoti nahi qubool dua tark-e-ishq ki

Dil chahta na ho tou zuba’n mein asar kahan?
Hum tou mukhlis hain aur be-gharz hain aisay ‘Sana’

Kay chott khaingy tujh se, tujhy dua deingy. . !
Ho umr-e-khizar bhi to kahaingy ba-wakt-e-marg

Hum kia kar rahy yahan, abhi aaye abhi chalay. . !
Haan! nahi teri rafaqat ki zarurat mujh ko

Meri monas, meri humdum, meri tanhai hai. !
Hum ‘Sana’ manzilain paa hi laity agar

Humsafar raah-guzar se jo darta nahi. . !
Honay ko un se sainkarro’n batain hui’n magar

Jis baat ka gila tha, wohi baat rah gaee. !
Hum ne bana liya hai naya phir se aashiya’n

Jao ye baat phir kisi toofan se se kaho. . !
Hum na hoty to kisi aur k charchay hoty, ,

Khalqat-e-duniya tou kehny ko fasanay mangay. . !
Hum jis pe marr rahy hain, wo hai baat hi kuch aur

Aalam mein tujh se laakh sahi, tu magar kahan?
Hum ne ishq gunah se bartar jana tha. .

Aur dil per ye pehla pathar afsos ka hai. !
Ham kaj-adaa charagh. . k jab bhi hawa chali

Taaqo’n ko chorr kar sar-e-deewar aa gaye. . !
Haaye! ab bhool gaya rang-e-hina bhi tera.

Khat bhi kabhi khoon se tehreer hua karty thy. . !
Hum hi mein na thi koi baat jo yaad na tum ko aa sakay

Tum ne humain bhula diya, hum na tumhain bhula sakay. . !
Har lafz tery jism ki khushbu mein dhula hai

Ye tarz, ye andaz-e-sukhan hum se chala hai. . !
Humain bhi yaad rakhna jab likho tareekh gulshan ki.

K hum ne bhi lutaya hai chaman mein aashiya’n apna. . !
Wabasta meri yaad se kuch talkhi’an bhi thee’n

Acha kiya jo mujh ko faramosh kar diya. . !
Hai inteha-e-yaas bhi ik ibtada-e-shauq.

Phir aa gaye wahin pe, chalay thy jahan se hum. . !


facebook