Ye fakhr tou haasil hai, buray hain k bhalay hain

Do chaar qadam hum bhi tery sath chalay hain. . !
Yehi dil tha k tarasta tha maraasam k liye

Ab yehi tark-e-talluq k bahaney mangay. . !
Ye uzr imteha’n jazb-e-dil kaisa nikal aya

Mein ilzaam unko deta tha, Qusoor apna nikal aya. !
Ye ajnabi si manzilain aur raftaga’n ki yaad

Tanhai’yon ka zeher hai aur hum hain dosto!
Yun phir raha hai kaanch ka paikar liye huay

Ghafil ko ye gumaa’n hai k pathar na aaye ga. . !
Ye kia kam hai k marr janey pe duniya yaad karti hai

Kisi k ishq mein duniya luta kar hum bhi dekhaingy. !
Ye urray urray se rung, ye khilay khilay se gesu!

Teri subha keh rahi hai, teri raat ka fasana. . !
Ye aur baat hai saaqi k mujhy hosh nahi’n

Warna mein kuch bhi hun ehsaan faramosh nahi’n
Ye mojza teri angraai se hua afsha

Tery wujood ka har rung aasmani hai!
Yahan jabr hi musallat rahay ga

Agar shor’eeda-sir koi nahi aye ga . .
Ye kon bataye, adum-aabad hai kia!

Tooti hui qabro’n se sadaa tak nahi aati. !
Ye hayaat-e-mukhtasir hi kaatni dushwaar hai

Kia karu’n ga lay k umer-e-jawida’n tere baghair.
Yaas ki tareekio’n mein doob janey do mujhy

Ab mein shama-e-aarzu ki lau barha sakta nahi’n. . !
Jaan tu kis ke liye apni ganwaata hai Adeem,

Khubsurat hai woh lekin tera kya lagta hai..
Yeh kya bahaar ke ginti ke chand phool hansain,

Bahaar woh hai jo sarey chaman ke kaam aye..
Aik misraa hai zindagi meri,

Aap chahain to sher ho jaye..
Yaawar meri ik umar samandar mein katti hai,

Kis shakhss ne dekhe hain bhanwar mujh se zeyada..
Baadh kar ahd-e-wada koi gaya hai mujh say,

Aay meri umar-e-rawan or zara ahista..
Yaad kar ke tum ne kya beemar ko acha kiya,

Aik hichki mein mere marney ka samaan ho geya
Bhool si bhool hai ahsaan wo farmaatay hain,

Haan kaheen aap ko dekha hai magar yaad nahi..


facebook