Qadam qadam pey badal rahey hain musafiron ki talab kay rastey,

Hawaon jesi mohabbatien hain sadaon jesi rafaqtien hain..
Khanjar sey karo bat na talwar sey pocho,

Main qatal howa kesey merey yar sey pocho.
Jo tum sey ho sakey to naam bhi mat lo mohabbat ka,

Ye esa saniha hai zindagi barbaad kar dega..
Jo taar sey nikli hai wo dhun sab ney suni hai,

Jo saaz pey giri hai wo kis dil ko pata hai..
Bnada e parwar koi khairat nahi,

Hum wafaon ka sila mangtey hain..
Phool chahey they magar hath me aye pathar,

Hum ney aghosh e mohabbat me sulaye pathar..
Is shehar me kitney chehrey they kuch yad nahi sub bhool gaye,

Ik shakhs kitabon jesa tha wo shakhs zubani yad raha..
Ahbab ke ta’ney sun sun kar kuch mujhko junoon sa ho hi gaya,

Or aag laga di akhir ko kambakht bujhaney walo ney…
Bhooli hoi sada hun mujhey yad kijiye,

Tum sey kahien mila hun mujhey yad kijiye..
Kitna jaanta hoga, wo shaks mere baare mein,

Mere muskurane par jisne puch liya tum udas kyon ho..
Tujh ko nahin ehsaas ke aye dil teri khaatir,

Ik shakhss barre kaam ka, bekaar hua hai..
Yeh saaneha bhi mohabbat mein bar’haa guzra,

Kisi ne haal bhi puchaa to aankh bhar aayi..
Pehle teri thi justuju mujh ko,

Ab mein apni talaash karta hoon..
Raaton ki udassi main khaamosh hai dil mera,

Be’hiss hain tamanaayen neend aye ke mout aye.
Dilon ka sog ban jati hai,

Mohabbat rog ban jati hai..
Tere aik aik lafz ko hazar matlab pehnaye hum ne,

Chain se soney na diya teri adhoori baaton ne..
Mujh ko to hosh nahin tum ko khabar ho shayed,

Log kehtey hain ke tum ne mujhe barbaad kiyaa..
Zameen ke seeney pe jaaney kya guzarti hai,

Ajeeb rang mein khalq-e-khudaa guzarti hai..
Umar ek aisi bhi hoti hai ke jis mein dil ko,

Achi lagti hai har ek baat haqeeqat ke siwaa..
Teri yaadain bhi hain, mere bachpan ke khilono jesi,

Tanha hota hon, to inhen lay kar beth jata hoon..


facebook