Sehraa se meri wapsi be’wajaah to nahin,

Taqdeer mein tha sheher ko masmaar* dekhna..
Saaf inkaar hai to aaney ka bahana kesa,

Chorro rang, ab mehndi ka lagaana kesa.
Yun na kar ab ke mujhe achaa kar de,

Laut aa aur mujhe phir se tanhaa kar de..
Khuda gawaah hai, bari mushkil se miltaa hai,

Woh aik dil jo mohabbat nibhaney waala ho..
Hota hai apna hoshna duniya ki kuch khabar,

Hoti hai dil ki aesi bhi halat kabhi kabhi..
Dhoondtey us ko koochey koochey phirey,

Dil ne hum ko kiya kharaab bohat..
Chaman ke phool rahe dair tak zinda,

Gumaan yeh hai ke tera intizaar karte they..
Dhalti huyi raat keh rahi hai,

Jaltey huye din na laut aayen..
Dhalti huyi raat keh rahi hai,

Jaltey huye din na laut aayen..
Hum sey roshan hain zamaney me wafa ki rahien,

Hum ney duniya me jalaye hain mohabbat kay charagh..
Ye bhi ek rang hai shayed meri mehromi ka,

Koi hans dey to mohabbat ka gumaan hota hai..
Ye majbori si majbori lachari si lachari,

Kay us kay geet bhi dil khol kar main ga na saka..
Lab pey dil e nakam ka ab naam na aye,

Kis kam ka wo dil jo kisi kam na aye..
Hoti nahi qubool dua tark e ishq ki,

Dil chahta na ho to dua me asar kahan..
Barbad e tamanna pey ataab or zayada,

Han meri mohabbat ka jawab or zayada..
Sang dil me dhal jao gi ma’alom na tha,

Is qadar badal jao gi ma’alom na tha..
Sadiyon ka ratjaga meri raton me agya,

Main ik haseen shakhs ki baton me agya..
Dhoond’ti rehti hain takhayul ki bahien tujh ko,

Sard raton ki sulgati hoi tanhai ko..
Jan e man tujh ko daraya hai kisi wehmi ney,

Kho dia ah mohabbat ko galat fehmi ney..
Parindon mein kabhi firqa parasti nahin dekhi,

Kabhi mandir pe ja bethey, Kabhi masjid pe ja bethe..


facebook